ໜ່ວຍສິລະປະສະໝັກຫຼິ້ນ ກອງບັນຊາການທະຫານແຂວງຫຼວງພະບາງ ຜ່ານລາຍການສະແດງ
ໜ່ວຍສິລະປະສະໝັກຫຼິ້ນ ກອງບັນຊາການທະຫານແຂວງຫຼວງພະບາງ ໄດ້ຜ່ານລາຍການເຝິກຊ້ອມ
ຢູ່ທີ່ສະໂມສອນກອງບັນຊາການທະຫານແຂວງ ຫຼວງພະບາງ ຄັ້ງວັນທີ 10/01/2024
ວັນທີ 10 ມັງກອນ 2024 ນີ້, ໜ່ວຍສິລະປະສະໝັກຫຼິ້ນ ກອງບັນຊາການທະຫານແຂວງຫຼວງພະບາງ ໄດ້ຜ່ານລາຍການເຝິກຊ້ອມ,
ເພື່ອກວດກາຄວາມພ້ອມໃນການເຄື່ອນໄຫວສະແດງຮັບໃຊ້ ເນື່ອງໃນໂອກາດຫ້າງຫາກະກຽມຂໍ່ານັບຮັບຕ້ອນ ແລະ ສະເຫຼີມສະຫຼອງວັນ
ສ້າງກອງທັບປະຊາຊົນລາວ ຄົບຮອບ 75 ປີ ທີ່ຈະມາເຖິງນີ້ ໃຫ້ມີບັນຍາກາດຟົດຟື້ນມ່ວນຊື່ນ ແລະ ມີຄວາມໝາຍເລິກເຊິ່ງ. ສຳລັບລາຍ
ການທີ່ນຳມາສະແດງໃນຄັ້ງນີ້ ປະກອບມີ 12 ບົດຄື: ຮ້ອງໝູ່ຍິງ-ຊາຍ ປະກອບຟ້ອນໃນບົດເພງ ມູນເຊື້ອກອງທັບ 75 ປີ, ຮ້ອງໝູ່ຍິງ 20
ມັງກອນໝັ້ນຍືນ, ຟ້ອນປະກອບເພງ ສາມັກຄີເຜົ່າລາວ, ຮ້ອງຄູ່ ຍິງ-ຊາຍ ປະກອບຟ້ອນໃນບົດເພງ ຄິດຮອດອ້າຍທີ່ຊາຍແດນ, ຂັບມົ້ງ ໃນ
ບົດ ຢຸດຕິການຖາງປ່າເຮັດໄຮ່ ມາສ້າງເສດຖະກິດພັດທະນາປະເທດຊາດ, ຟ້ອນໝູ່ ຍິງ-ຊາຍ ມວນຊື່ນກັບສຽງແຄນມົ້ງ, ຮ້ອງໝູ່ຊາຍໃນບົດ
ເພງ ກຳລັງທ້ອງຖິ່ນຫຼວງພະບາງ, ຮ້ອງໝູ່ ຍິງ-ຊາຍ ໃນບົດເພງ ລູກແທນພໍ່ໜໍ່ແທນລຳ, ຟ້ອນໝູ່ຊາຍ ມວນຊື່ນໃນສະໜາມຫັດແອບ, ຟ້ອນ
ໝູ່ຍິງ ນາງສາວກັບສາຍນ້ຳ, ຂັບເຈີມຄູ່ ຍິງ-ຊາຍ ລານ້ອງໄປຊາຍແດນ ແລະ ຂັບທຸ້ມຫຼວງພະບາງ ປະກອບຟ້ອນ. ໂດຍມີສະຫາຍ ພັນເອກ
ວິລະສິນ ມິດຕະພອນ ຮອງຫົວໜ້າກອງບັນຊາການ, ຫົວໜ້າຫ້ອງການເມືອງກອງບັນຊາການທະຫານແຂວງ, ມີຄະນະພັກ-ຄະນະບັນຊາອົງ
ການ 6 ຫ້ອງ, ພະແນກການ ແລະ ພະນັກງານ-ນັກຮົບ ເຂົ້າຮ່ວມຮັບຊົມ.
ເຊິ່ງການສະແດງໃນຄັ້ງນີ້, ເພື່ອແນໃສ່ປັບປຸງແຕ່ລະລາຍການໃຫ້ມີຄວາມສອດຄ່ອງເອກະພາບ ແລະ ຮັບປະກັນເຮັດໃຫ້ບົດຟ້ອນ, ຮ້ອງ,
ລຳ ມີເນື້ອໃນສ່ອງແສງເລິກເຊິ່ງເຖິງການດຳລົງຊີວິດ, ຮີດຄອງປະເພນີອັນດີງາມຂອງຊາດ, ມູນເຊື້ອການຕໍ່ສູ້ຂອງກອງທັບປະຊາຊົນລາວ ຕະ
ຫຼອດໄລຍະ 75 ປີຜ່ານມາ ພ້ອມນີ້, ຍັງເປັນການກວດກາຄຸນນະພາບ ແລະ ຮັບປະກັນໃຫ້ການເຄື່ອນໄຫວສະແດງຮັບໃຊ້ໃນໂອກາດສະເຫຼີມ
ສະຫຼອງ ວັນສ້າງຕັ້ງກອງທັບ ມີບັນຍາກາດເບີກບານມ່ວນຊື່ນຕື່ມອີກ.
ແຫຼ່ງທີ່ມາ: ສົມພອນ ສຸວັນທອນ
ວັນທີ 15/01/2024